Fermerning aytishicha, qishloq xoʻjaligi korxonalari vakillari dala mehnatkashlari uchun oziq-ovqat tayyorlashda ketadigan barcha mahsulotlarni oʻzaro kelishib, doʻkondan olib ketaveradilar. Mablagʻni esa hisobvaraqalariga pul tushgach, oʻtkazib berishlari mumkin.Bu yerda nasiya asosidagi xizmat va ulgurji - arzon narxdagi tovarlar koʻpchilikka maʼqul kelyapti.

Yana bir eʼtiborli tomoni, savdo shoxobchasining yonidagi hovuzdan istalgan turdagi baliqni tanlab olish va uni buyurtma asosida pishirtirib yeyish uchun ham sharoit yaratilmoqda. Shuningdek, 6 sotix maydonda issiqxona barpo etilib, koʻkatdan tortib sitrus mevalarigacha yetishtirish koʻzda tutilgan. Doʻkon binosining yarmiga muzlatkich qurilgan boʻlib, har doim sarxil mahsulotlar saqlanishini taʼminlaydi. Muhimi, bunday tadbirlar natijasida 10 ga yaqin fuqaro foydali mehnat bilan taʼminlandi. Ularning ikki nafari “Temir daftar”dagi roʻyxatda turgan edi.