Аммиакли селитра нитрат кислота (NH4NO3) нинг тузи бўлиб, биринчи марта 1659 йилда немис кимёгари Йохан Глаубер томонидан олинган. Ўшандан бери бу модда инсоният томонидан кенг қўлланилмоқда. У икки хил соҳада – қишлоқ хўжалигида ва ҳарбий саноатда тахминан бир хил нисбатда қўлланилади. Аммиакли селитра икки навга киради. "А" - портловчи моддалар тайёрлаш учун. "Б" - азотли ўғит, у бутун дунё ўғитлар бозорининг 70 фоизини эгаллайди.

Аммиакли селитрани баъзилар "камбағаллар бомбаси" деб номлашади – у жуда арзон ва шу билан бирга кўплаб мамлакатларда чекловларсиз сотилади, шунинг учун уни кўпинча турли мақсадлардаги экстремистлар ва бузғунчилар ўз мақсадлари учун ишлатадилар.