Portland sement — chidamli bog‘lovchi modda va keng qo‘llaniladigan qurilish materiali. Uning tarkibi asosan kalsiy silikatlardan iborat. Klinker va 3–7% gips aralashmasini juda mayin tuyish orqali olinadi. Zarur hollarda aralashmaga 10–15% faol mineral moddalar ham qo‘shilishi mumkin.

Tarkibi, xossalari va qo‘llanish sohalariga ko‘ra Portland sement oddiy, tez qotuvchan, gidrofob, sulfatga bardoshli, oq rangli va boshqa turlarga bo‘linadi. Portland sementning sifati asosan klinker tarkibi va uning maydalanish darajasiga bog‘liq.

Sementning eng muhim xususiyati suv bilan aralashganda qotishidir. O‘zbekistonda ishlab chiqariladigan Portland sementning markasi 300 dan 600 gacha bo‘lib, marka qancha yuqori bo‘lsa, sementning mustahkamligi shuncha yuqori bo‘ladi.

Mahsulot 50 kg li qoplarda qadoqlanadi.